Според студијата, крајот на потенцијалот за целокупен живот на Земјата зависи од животниот век на Сонцето. Во наредните милијарди години, нашето Сонце ќе продолжи да расте и да ја загрева Земјата до тој степен што животот повеќе нема да биде можен.
Истражувачите проценуваат дека ова ќе се случи во 1.000.002.021 година, кога условите на површината на Земјата ќе станат толку екстремни што животот ќе стане невозможен дури и за најотпорните организми.
За нас луѓето, работите ќе станат сериозни уште порано.
Како што Сонцето се затоплува, атмосферата на Земјата значително ќе се промени. Ова ќе доведе до пад на содржината на кислород, лош квалитет на воздухот и нагло зголемување на температурата.
Овие промени беа предвидени со користење на детален модел за климатските промени и сончевото зрачење.
Планирање за далечната иднина
Знаците на овие промени веќе можат да се почувствуваат. Короналните масовни исфрлања и соларните бури се зголемени во интензитет и влијаат на магнетното поле на Земјата, кое веќе ја намалува содржината на кислород во атмосферата, давајќи им на истражувачите увид во долгорочните ефекти.
Климатските промени предизвикани од човекот, исто така, нè забрзуваат кон крајот, а светот веќе гледа зголемување на глобалните температури и топење на поларниот мраз.
Според истражувачите, можно е животната средина да стане премногу сурова за човечкиот опстанок многу порано од временската рамка од милијарда години.
Животот на Земјата нема да заврши ненадејно – ќе исчезне во бавен, неповратен пад. Но, и покрај долгиот временски период, истражувачите повикуваат на важноста од подготовка и прилагодување за иднината на човештвото.
Некои научници предлагаат технолошки интервенции, вклучувајќи затворени системи за одржување на животот и вештачки живеалишта, за да се зачуваат средините погодни за живеење што е можно подолго.
Други бараат планети погодни за населување во нашиот Сончев систем.
Плановите за долгорочна колонизација на вселената, вклучително и мисии на Марс предводени од НАСА и СпејсЕкс, се истражуваат како потенцијални стратегии за одржување на човечкиот живот откако самата Земја ќе стане непогодна за живеење, пренесува ПиСи Ворлд.
