Во пресрет на Светскиот ден на спиењето, кој се одбележува на 13 март, со цел да се подигне свеста за важноста на здравите навики за спиење, експертите објаснија која е горната граница на здрав сон и како да се постигне идеална количина на одмор.
Иако многумина сакаат да се одмараат за време на викендите и да се разбудат околу 11 часот наутро по десет часа сон, научните истражувања покажуваат дека таквата навика може да има негативни последици.
Докторките Шарлот Гупта и Габриел Ригни пишуваа во статија за Конверзејшн за влијанието на прекумерното спиење врз целокупното здравје, нивните наоди се изненадувачки.
Преглед на 79 научни студии покажа дека луѓето кои спијат повеќе од девет часа навечер имале 34 проценти поголем ризик од смрт во споредба со оние кои спијат препорачани седум до осум часа.
Сличен тренд покажа и студија од 2018 година, која го следеше здравјето на сонот на учесниците во период од една до 30 години. Истражувањето покажа дека луѓето кои спиеле повеќе од девет часа имале 14 проценти поголема веројатност да умрат во текот на студијата.
Студиите покажаа дека премногу сон е поврзан со голем број здравствени проблеми, вклучувајќи депресија, хронична болка, дебелина и нарушувања на метаболизмот.
