Со анализа на повеќе од 10.000 скенирања на мозокот, истражувачите пронајдоа јасна врска помеѓу нивоата на физичка активност и структурата на мозокот. Луѓето кои редовно вежбале имале поголем волумен на сива материја, која е важна за меморијата, емоциите и движењето, како и повеќе бела материја која помага при учењето, концентрацијата и рамнотежата.
„Вежбањето не само што го намалува ризикот од деменција, туку помага и за зачувување на големината на мозокот, што е клучно како што старееме“, објаснува д-р Сајрус Раџи, раководител на истражувањето, пренесува УмТелоЗелено.
Добрата вест е дека дури и умереното ниво на движење може да биде корисно.Докторот Дејвид Мерил истакнува дека дури и 4.000 чекори дневно се доволни за позитивен ефект врз мозокот – што е значително помалку од често цитираните 10.000.
Се препорачуваат 150 минути умерено вежбање, заедно со два дена вежби за телото. Ова може да бидат три брзи прошетки од 30 минути, еден час јога и неколку лесни вежби со тегови.
