За прв пат во историјата на класата астронаути, бројот на жени го надмина бројот на мажи, објави ABC News. Новите астронаути ќе поминат двегодишна обука пред да станат „подобни за вселенски летови“.
Привремениот администратор на НАСА, Шон Дафи, изјави дека еден од нив би можел да стане првиот човек што ќе стапне на Марс.
Новите астронаути, претставени за време на церемонијата во вселенскиот центар Џонсон на НАСА во Хјустон, Тексас, ќе им се придружат на 41 активни астронаути во американскиот корпус на астронаути.
Директорот за летачки операции на НАСА, Норм Најт, изјави дека конкуренцијата е многу силна, нарекувајќи ги новите кандидати „угледни“ и „исклучителни“.
