„Имаме изрека: Појадувај како крал, ручај како принц и вечерај како сиромашен“, изјави Бутнер за Си-ен-би-си минатата година.
„Во сините зони, луѓето имаат обилен појадок, а потоа постепено ја намалуваат количината на храна што ја јадат, честопати јадејќи рана вечера и не јадејќи ништо друго до следниот појадок.“
Сепак, појадокот што го јадат жителите на сините зони не е како типичните утрински оброци, истакнува Буетнер.
„Луѓето треба да го избегнуваат поголемиот дел од она што се рекламира како појадок во Америка – како зашеќерени житарки, тартови, јогурти со шеќер и мусли“, објаснува тој.
„Наместо тоа, треба да угледаме на луѓето од сините зони и да јадеме обилен, здрав појадок“.
Буетнер ги препорачува следниве намирници за појадок, по моделот на најдолговечните луѓе во светот:
- Грав,
- Зеленчук
- Ориз
- Овошје
- Мисо супа
- Овес
„Често го започнувам денот со супа од минестроне полна со зеленчук и грав. Ги предизвикувам сите што го читаат ова да пробаат да јадат густа супа или ориз и грав за појадок една недела и сами да ја видат разликата“, вели тој.
