Будимпешта се најде на врвот на оваа озлогласена листа бидејќи дури 37,9 отсто од рецензиите кои се однесуваат на чистотата спомнуваат нечистотија, ѓубре или лошо одржување.
Стручњаците предупредуваат дека градот е под притисок поради наглото зголемување на бројот на туристи – само во септември е забележан пораст од 12 отсто во однос на минатата година, што очигледно го надминува капацитетот на градските служби.
На листата доминира Италија, која во првите десет има дури четири града – Рим, Фиренца, Милано и Верона. Рим е вториот највалкан град, а ситуацијата со отпадот е толку лоша што улиците повремено ги преземаат диви свињи.
Веднаш зад Рим е Лас Вегас, град кој, поради својот непрекинат ноќен живот и милиони посетители, едноставно не може да се справи со чистотата. Еден рецензент го опиша како „опасна депонија полна со измет и урина“.
Интересно е што Њујорк, често споменуван како дом на најголемите глодари во светот, се најде дури на 12-то место.
Истражувачите анализирале 100 градови од Индексот на најдобри дестинации на Еуромонитор и прегледале 70.000 рецензии на Гугл на англиски јазик за десетте најпосетувани атракции во секој град.
Тие конкретно се фокусирале на термините „чисто“ и „валкано“ за да добијат увид во вистинското искуство на туристите.
Десет највалкани градови во светот според листата на „Радикал сториџ“ се: Будимпешта (Унгарија), Рим (Италија), Лас Вегас (САД), Фиренца (Италија), Париз (Франција), Милано (Италија), Верона (Италија), Франкфурт (Германија), Брисел (Белгија), Каиро (Египет).
