Се наоѓа високо над реката Хунза, опкружен со монументални врвови на планинскиот венец Каракорам во Пакистан. Со едноставна конструкција од дрвени даски и челични јажиња, стекнал глобална репутација како еден од најопасните пешачки мостови во светот.
За мештаните, тоа е клучна сообраќајна врска без која секојдневниот живот е незамислив, додека за туристите и љубителите на адреналин тоа е предизвик што ги тестира границите на издржливоста и храброста, пренесува Нешнл џиографик.
Adventure of cycling at Hussaini Suspension Bridge 🇵🇰 pic.twitter.com/pWP308zJBs
— PakistanTravelGuide (@PakTravelGuide) November 23, 2022
Мостот е изграден во 1960-тите за да ги поврзе селата Хусеини и Зарабад. Се протега на должина од приближно 200 метри, висина од околу 15 метри над реката. Неговата конструкција е исклучително едноставна и се состои од повеќе од 450 дрвени штици поставени на челични кабли. Опасноста при преминување произлегува не само од должината и висината, туку и од големите и нерамни празнини меѓу штиците, од кои многу се оштетени или недостасуваат.
Hussaini Suspension Bridge, Pakistan. It is considered to be one of the most dangerous bridges in the world.pic.twitter.com/zmp3q9VtYL
— James Melville 🚜 (@JamesMelville) April 13, 2025
Секој чекор бара целосна концентрација, бидејќи брзата речна струја може да се види низ празнините меѓу штиците. Дополнителен елемент на ризик е изразената нестабилност на мостот. Регионот Горна Хунза е познат по силните ветрови, кои, минувајќи низ кањонот, предизвикуваат структурата постојано и силно да се ниша. Во такви услови, преминувањето станува исклучително тешко, бидејќи секој налет на ветер го отежнува одржувањето рамнотежа.
Hussaini bridge & Passu Cones, Gilgit Baltistan, #BeautifulPakistan pic.twitter.com/uG2zQGs9ca
— carin jodha fischer (@carin__fischer) August 5, 2023
Под мостот тече реката Хунза, чија вода е ледено студена и брза поради топењето на блиските глечери. Паѓањето во реката би било со фатални последици поради силните струи и екстремно ниските температури.
И покрај својата репутација, мостот Хусеини е клучна врска за локалното население. Жителите го користат секојдневно за транспорт на намирници и чување добиток, преминувајќи го со вештина и самодоверба заснована на искуство. За нив, мостот не е туристичка атракција, туку неопходен елемент од животот во тешките услови на планинската средина.
Hussaini Bridge pic.twitter.com/MTe3GSiYjy
— Pakistan 🇵🇰 (@BeautyOfPaki) December 7, 2024
Во последниве години, мостот стана важна туристичка дестинација. Со плаќање на симболична такса за одржување, посетителите од целиот свет имаат можност да доживеат возбуда.
