Минатата година, експедицијата „Беспрекорни мориња“ го откри најголемиот познат жив организам – џиновска колонија на коралот Павона клавус (Pavona clavus), во близина на Соломоновите Острови.
Она што ја прави колонијата спектакуларна не е само импресивната големина (должина 34×32 метри, висина 5,5 метри), туку и фактот дека овој „супер организам“ е стар околу 300 години!
Ова значи дека колонијата постоела уште од времето на Наполеон и ја преживеала Индустриската револуција, нуклеарните тестирања и модерната ера на глобално затоплување.
За разлика од повеќето корални гребени, кои се состојат од повеќе различни корални колонии, оваа колонија функционира како единствен „супер организам“, составен од милиони идентични полипи.
Ваквата организација придонесува за неговата извонредна отпорност на стресни услови и му овозможува долг животен век, пренесува Дејли Галакси.
Експертите сугерираат дека проучувањето на механизмите за преживување би можело да помогне во зачувувањето на коралните гребени во светот.
Во соработка со локалните власти, започната е иницијатива за ставање на локацијата под посебен режим на заштита, со цел да се спречи какво било идно деградирање поради комерцијални активности што ги загадуваат блиските корални лагуни.
Климатските предизвици не се намалуваат, а овој тивок џин на океанот нè потсетува дека природата има извонредни адаптивни способности – ако ѝ дозволиме.
