Тоа е цветно растение од семејството Касуаринацеае (лат. Casuarinaceae) кое може да се најде само на австралискиот континент. Обично расте расфрлано во шумски предели – од Мареба преку Квинсленд и Нов Јужен Велс до Викторија и Јужна Австралија. Општината Булоке во државата Викторија е именувана по овој вид дрво.
Австралискиот булок е дводомно дрво кое може да порасне до 15 метри во висина, со дијаметар на стеблото помеѓу три и шест метри. Се карактеризира со збрчкана кора и назабени листови, како и цврстина од 3690 до 5060 lbf – фунта сила е единица за сила што се користи во некои системи на мерење, вклучувајќи ги единиците за англиски инженеринг, во зависност од изворот.
Јачината на дрвото најчесто се мери со Јанка тестот – овој стандардизиран тест вклучува вдлабнување на челична топка со дијаметар од 11,28 милиметри во дрвото и мерење на силата потребна за вдлабнување на топката до половина од нејзиниот дијаметар.
Резултатот од тестот обично се изразува во lbf или фунта-сила, при што повисокиот резултат укажува на потешко дрво и го прави отпорно на вдлабнатини, абење и оштетување.
Австралискиот булок се користи за изработка на мебел, подови, алати и слични предмети. Абориџините го користат за изработка на бумеранзи и палки. Булокот е исто така извор на храна за птиците.
Неговата цврстина и издржливост често се споредуваат со јужноамериканското дрво кебрачо, кое е толку цврсто што крши сечила од секира, некои тврдат дека токму тоа дрво е најцврсто на светот.
