Малку познат германски град, кој тивко го предводи патот во квалитетот на воздухот, адаптација кон климатските промени и циркуларната економија, е прогласен за „европска зелена престолнина“ за 2027 година. Хајлброн беше крунисан на доделувањето на наградите за европски зелени градови, што се одржаа во Литванската национална уметничка галерија во Вилнус, Литванија, пренесува Еуроњуз.
Вилнус е сегашниот носител на титулата, додека наградата за најзелен град за 2026 година му припадна на Гимараеш во Португалија.
Признанието му беше доделено на Хајлброн од Европската комисија, која ја започна иницијативата за да го прикаже напредокот на градовите што прават најголеми чекори кон одржлив живот.
„Овие градови се стремат да бидат на чело на урбаната и еколошката одржливост“, изјави Џесика Росвал, европска комесарка за животна средина. „Градови кои, едноставно кажано, предводат со пример.“ Таа додаде: „Ова е и признание и одговорност – вие сте нашите нови амбасадори на зелената транзиција“.
Хајлброн, кој се наоѓа во регионот Штутгарт, беше пофален за неговите напори за намалување на загадувањето на воздухот, подобрување на квалитетот на водата, поттикнување на активното патување, прифаќање на циркуларната економија и прилагодување кон климатските промени. Клуно за неговиот успех, рекоа судиите, било ангажирањето и комуникацијата со своите граѓани. Хајлброн беше посебно пофален и за неговото холистичко урбанистичко планирање, кое ги комбинира бучавата и квалитетот на воздухот.
Наградата „Зелен лист“, која е отворена за помали градови со население под 100.000 жители, им беше доделена на Асен (Холандија) и Сиена (Италија), кои добија по 200.000 евра.
