Музејот ги повика граѓаните да донираат подароци кои едноставно не се за нив, на кои не им е посветено многу внимание при изборот, или кои едноставно се „навистина ужасен подарок“.
Според музејот, работите кои се „дарувани од должност, погрешна проценка или чиста апатија“ можат да најдат нов дом и да добијат можност да блеснат, наместо да бидат закопани во длабочините на плакарот.
„Се фокусираме на сè што некој лично го смета за лош подарок и генерално не ги отфрламе апликациите освен ако предметот очигледно не излегува од духот на изложбата. Секогаш велиме дека лошиот подарок на една личност е богатство за друга личност. Затоа секој подарок во музејот е изложен со кратко објаснување зошто лицето кое го примило го сметало за лош подарок“, беше кажано.
Меѓу подароците што се моментално изложени, се издвојува античка кукла со ротирачка порцеланска глава што има три различни изрази на лицето – „од морничава до застрашувачка“.
Вториот предмет е „ѕвер од школка“, тешка скулптура направена од десетици бодликави школки кои формираат „големо, шарено суштество“ кое наликува на полжав.
Третиот „најлош“ подарок е мала бакарна тава, каде што приказната за потеклото е многу полоша од самиот подарок (купен е верувајќи дека е со регуларна големина, но се покажа дека на купувачот му е испорачана тава со дијаметар од само неколку сантиметри).
Подароците изложени во музејот се позајмени или донирани, а донираните производи подоцна ќе бидат изложени на аукција, од која приходот ќе биде дониран на банката за храна „Дневен леб“.
