Ла Зона дел Силенсио, или преведено од шпански како Зона на тишината, е необична област во пустината Чивава во северно Мексико.
Се карактеризира со суров терен, уникатни пустински формации, фосилизирани школки и наслаги од сол кои се протегаат на околу 50 километри, кои се дел од заштитениот биосферен резерват Мапими.
Во Зоната на тишината се забележани необични феномени кои ги интригираат поединците, поради што некои ја нарекуваат „Бермудски триаголник“ на пустината.
Радио сигналите се губат тука, а компасите престануваат да работат. Всушност, инженерот Хари Аугусто де ла Пења од мексиканската корпорација Пемекс ѝ го дал на областа овој прекар во 1966 година за време на една експедиција, бидејќи неговата радиоопрема постојано се расипувала.
Мистеријата на овој простор беше дополнително засилена и ги привлече насловните страници низ целиот свет кога ракетата „Атена“ на НАСА неочекувано отстапи од својата планирана траекторија и се урна во Зоната на тишината четири години подоцна.
Иако сето ова звучи како заплет од научнофантастичен (или хорор) филм, постојат научни објаснувања за овие феномени.
Се верува дека овие природни феномени се всушност резултат на подземни наслаги на магнетит – магнетен минерал кој може да се меша во работата на гореспоменатите уреди. Покрај тоа, оваа област има голема фреквенција на паѓање на метеорити, што исто така може да придонесе за магнетни нарушувања.
Теоретичарите на заговорот веруваат дека станува збор за некакви интергалактички работи. Некои потврдиле дека во Зоната на тишина виделе чудни светла на небото и неодредени летечки објекти.
Дали нешто од тоа е вистина, тешко е да се каже. Но, работата затоа цвета – се организираат посебни НЛО-тури, а многу љубопитни луѓе од целиот свет доаѓаат во Зоната на тишината за сами да донесат свое мислење за ова необично место.
