Дел од светските медиуми оценуваат дека секоја година првоаприлските шеги се сè помалку популарни, особено на интернет и социјалните мрежи, бидејќи пречесто лажните информации заземаат централно место, на штета на автентичните и проверени вести.
Во Франција, некои новинари веруваат дека првоаприлските шеги станаа реалност, наведувајќи го како пример повлекувањето на САД од Светската здравствена организација, воведувањето американски царински мерки или укинувањето на употребата на хартиени сламки за пиење.
„Во нормални времиња, сите овие одлуки би изгледале како првоаприлски шеги“, пренесува француската веб-страница Прес.
Новинарите на тој сајт се прашуваат дали утре сите би разбрале дали некоја вест е шега или е навистина реална.
Како пример наведоа дека утре американската вселенска агенција НАСА може да објави дека Земјата е рамна, а не тркалезна.
„Некои читатели би изразиле сомнеж и би се смееле, додека некои би поверувале, бидејќи има неколку милиони луѓе во светот кои навистина веруваат дека Земјата е рамна“.
Прес додаде дека лажните вести се дел од секојдневниот живот бидејќи со употреба на вештачка интелигенција секој „апсурд“ може да се претвори во нешто веродостојно.
Сепак, се претпоставува дека многу луѓе во светот сепак ќе се шегуваат како порано.
Меѓу познатите шеги е и онаа на Би-би-си во 1957. Таа британска телевизиска мрежа тогаш објави дека Швајцарците берат шпагети од дрво. Извештајот зборуваше за фактот дека штетникот „шпагети мравка“ конечно бил искоренет.
Голем број гледачи се јавиле во редакцијата на телевизијата за да се информираат за можноста за одгледување на сопствени стебла шпагети.
Добро позната шега беше изумот на хамбургери за леваците. Во 1998 година, Бургер Кинг од САД објави оглас за хамбургери за левораки, направени така што содржината истекува од десната страна.
Медицинските истражувања генерално сметаат дека смеењето е добра терапија.
