Овој датум е воспоставен од Генералното собрание на Обединетите нации во 2011 година, со цел да се промовира мир меѓу народите, солидарност меѓу луѓето и култура на разбирање и почит низ целиот свет.
Обединетите нации ги повикаа земјите, организациите и поединците да користат разни иницијативи и настани за да нè потсетат на важноста на пријателството во градењето општества засновани на мир, толеранција и заедништво. Во свет кој сè повеќе се соочуваме со предизвиците на отуѓеност, недоверба и конфликт, овој ден носи силна порака – вистинските пријатели не се луксуз, туку поддршка што сите ја заслужуваме.
Пријателството не познава граници – ги надминува разликите во јазикот, религијата, расата или културата. Без разлика дали станува збор за пријател од детството, колега од работа, член на семејството или некој штотуку сме го запознале, пријателството се гради врз меѓусебно почитување, доверба и поддршка. Во време на криза – без разлика дали е лична или глобална – пријателите се оние што нè потсетуваат дека не сме сами.
Овој ден е можност да застанеме и да им се заблагодариме на оние кои се со нас во моменти на радост, тага, успех и неуспех. Пораката може да биде едноставна, покана за кафе, споделена смеа или искрено „благодарам што постоите“.
Затоа денес, без разлика каде се наоѓате, јавете се на пријател, споделете љубезен збор, потсетете се на спомените и создадете нови. Затоа што, како што вели старата поговорка – кој има пријатели, има богатство.
Среќен меѓународен ден на пријателството!
