Според докторката Ејми Мајерс, токму оваа навика – прескокнување на ручек или брзо јадење – може да биде една од најлошите за вашето здравје.
„Многу луѓе се толку занесени во своите обврски што забораваат да јадат или брзо јадат, без време за правилно варење“, објаснува Мајерс. Редовното прескокнување на ручекот може да доведе до нерамнотежа на шеќерот во крвта, стрес на надбубрежната жлезда, забавен метаболизам и хормонални пореметувања, пренесува Парада.
Брзото консумирање на храна, особено додека се наоѓате зад волан или пред монитор, дополнително го оптоварува варењето. Недоволното џвакање може да предизвика надуеност, слаба апсорпција на хранливи материи и воспалителни процеси во цревата.
Наместо да прескокнете оброк или да јадете набрзина, Мајерс советува:
- Одвојте време за ручек секој ден во исто време
- Јадете свесно, без екрани и одвлекување на вниманието
- Полека џвакајте и спуштете го приборот помеѓу каснувања
Хранлив, богат и избалансиран ручек придонесува за постабилно ниво на шеќер во крвта, подобро варење и поголема ментална јасност во остатокот од денот. „Слушајте ги сигналите на вашето тело“, вели докторката и додава: „Ако постојано јадете премногу брзо, обидете се свесно да забавите. Вашата енергија, варење и целокупното здравје ќе ви бидат благодарни“.
