Робот со четири нозе е поставен на падините на Етна за да собира податоци важни за предвидување на вулкански ерупции и намалување на ризиците за научниците кои работат на терен, објави Раи.
Експериментот, предводен од тим од ЕТХ Цирих, една од водечките европски научни институции, вклучува испраќање робот наречен ЕНИмал на падините на вулканот за да анализира гасови ослободени од подземјето, што би можело да укажува на промени во активноста на магмата.
„Сакаме да предвидиме кога ќе се случат ерупции, а за тоа ни се потребни податоци“, објасни Јулија Рихтер од Лабораторијата за роботски системи на ЕТХ.
ЕНИмал е опремен со масен спектрометар развиен од швајцарската компанија Инфикон, кој може да идентификува хемиски супстанции додека роботот се движи низ нестабилен терен, како што се вулкански песок и раб на кратер.
Благодарение на системите за вештачка интелигенција базирани на алгоритми што овозможуваат учење од околината, „роботското куче“ учи самостојно да се ориентира. За време на тестирањето, регистрираше емисии на јаглерод диоксид и сулфур диоксид – гасови што се показатели на промени што можат да најават ерупција.
