Американската автомобилска асоцијација препорачува резервоарот за гориво да биде полн, особено во зима, бидејќи повеќе гориво ја намалува кондензацијата во резервоарот. Сепак, механичарите истакнуваат дека постојаното „полнење до врв“ исто така не е идеално решение.
Според нивните совети, во повеќето ситуации најдобро е нивото на гориво да се одржува помеѓу една четвртина и полн резервоар.
Најважно е горивото да не падне под една четвртина, бидејќи тоа ја штити пумпата за гориво и го намалува ризикот да останете без бензин во незгоден момент.
Од друга страна, честото дополнување до максимум може негативно да влијае на системот за гориво.
Исто така, постојат ситуации кога е препорачливо да имате повеќе од половина резервоар. Во текот на зимата, особено кога се предвидуваат снежни бури или лошо време, поголема количина гориво може да значи подолго загревање на кабината ако се најдете заглавени или далеку од помош.
Причината зошто не е добро да се вози „на резерва“ лежи во работата на пумпата за гориво. Кај повеќето автомобили таа се лади и подмачкува со самото гориво. Кога нивото е ниско, пумпата работи под поголемо оптоварување и на повисоки температури, што може да го забрза нејзиното трошење.
Иако многу возачи со години возат со запалена светилка за резерва без видливи последици, механичарите предупредуваат дека таквата навика долгорочно може да го скрати работниот век на системот за гориво, слично како што нездравиот начин на живот не влијае исто кај секого, но секогаш носи ризик.
