За да се спречи повторување на вонредната состојба од минатиот месец, двајца членови на тричлениот екипаж на „шенџоу-21“ спроведоа вселенска прошетка и распоредија заштита користејќи ја роботската рака на Тиангонг, соопшти Канцеларијата за хумано вселенско инженерство на Кина (ЦМСЕО).
Астронаутите го прегледале и фотографирале оштетениот прозорец на вселенското летало „шенџоу-20“, кое сè уште е приклучено на станицата и ќе биде вратено на Земјата без екипаж за понатамошна анализа, пренесува Ројтерс.
На почетокот на минатиот месец, мало парче отпад, кој се движел со голема брзина, удрил во прозорецот на повратната капсула на вселенското летало шенџоу-20, непосредно пред тоа да биде подготвено да го врати својот тричлен екипаж на Земјата.
Штетата беше оценета како доволно сериозна што кинеските власти одлучија да го одложат враќањето, а потоа го испратија екипажот назад на единственото друго достапно вселенско летало, „шенџоу-21“, пренесе Ројтерс.
Zhang Lu and Wu Fei have performed their first spacewalk outside of Tiangong, inspecting the damaged Shenzhou-20 spacecraft and installing debris protection devices onto station modules
Details -> https://t.co/rY4tjnbveC pic.twitter.com/krSVqJStXZ
— Phazzee 🐼🚀 | 中国航天 🇨🇳 | 🇵🇸🏳️⚧️🏳️🌈 (@PhazzeeYeehaw) December 9, 2025
Ова ја започна првата итна вселенска мисија на Кина, бидејќи екипажот на „шенџоу-21“ остана без функционално вселенско летало 11 дена.
Распаѓањето на застарените сателити, инцидентите со активни вселенски летала и тестирања против сателитско оружје создаваат огромни полиња од отпад што остануваат во орбитата со години.
