Проектот го развива компанијата Каива технолоџи, а идејата е да се обезбеди алтернатива на природната бременост и да им се помогне на паровите кои имаат проблеми со неплодност.
Технологијата се заснова на вештачка матка наполнета со синтетичка течност која ја имитира природната средина, додека системот на цевки би обезбедувал кислород и хранливи материи. Инспирацијата доаѓа од претходни експерименти, како оние во Детската болница во Филаделфија, каде што предвремено родените животни беа одржувани живи.
Развојот на оваа идеја е поврзан со демографската криза во Кина, каде што неплодноста е во пораст, а стапката на наталитет опаѓа. Исто така, сурогат мајчинството е забрането, па затоа оваа технологија би можела да биде алтернативно решение.
Сепак, проектот предизвика жестоки реакции. Додека некои гледаат шанса за напредок и помош за семејствата, други предупредуваат на дехуманизација на раѓањето и сериозни етички дилеми. Експертите нагласуваат дека сè уште нема докази за безбедноста и долгорочните последици од овој начин на доаѓање на свет.
