Градскиот совет даде зелено светло за оваа мерка, пренесува весникот.
Изградбата на скали за мачки, или „Катентрапје“ ја предложи советничката Џудит Кром од Партијата за животни (ПвдД).
Таа нагласи дека каналите во Амстердам станале смртоносна замка за мачки, со оглед на тоа што само во изминатите шест месеци во нив се удавиле 19 животни.
Мачките можат да пливаат и да останат на површина подолго време, но во одреден момент мора да се вратат на суво за да избегнат давење.
Службата за спасување животи во Амстердам сега ќе помага во идентификувањето на каналите што се особено опасни за мачките пред да започнат градежните работи.
