Ново истражување објавено во списанието „Анатомикал рекорд“, за кое пишува Њујорк тајмс, сугерира дека клучот лежи во исклучително флексибилен ‘рбет.
Истражувачите откриле дека мачките прво го вртат предниот дел од телото, благодарение на поголемата подвижност на градниот дел од ‘рбетот, а потоа го усогласуваат задниот дел.
Физичарот Грег Гбур истакнува дека ова е прво истражување кое детално ја поврзува структурата на ‘рбетот со начинот на вртење при паѓање.
Авторот на истражувањето, јапонскиот физиолог Јасуо Хигураши, наведува дека резултатите го поддржуваат моделот „нозе внатре, нозе надвор“, но дека се потребни дополнителни истражувања.
Зоологот Руслан Белјаев додава дека студијата е важен чекор кон разбирање на овој феномен, иако мистеријата сè уште не е целосно решена.
