Сепак, експертите предупредуваат дека голем дел од населението сè уште не ја консумира препорачаната дневна доза.
Јодот е неопходен за синтеза на тироидните хормони – тироксин (Т4) и тријодотиронин (Т3). Овие хормони влијаат на бројни процеси во телото, вклучувајќи:
- Регулирање на метаболизмот
- Одржување на телесната температура
- Срцева функција и крвен притисок
- Развој на мозокот и нервниот систем, особено кај фетуси и мали деца
- Раст и правилен развој на организмот
Докторот Дејвид Дери вели дека јодот е најдобар антибиотик и средство против вируси. Тој истакнува дека јодот убива бактерии, вируси, габи, протозои, па дури и спори на бактерии и габи.
Во контекст на фактот дека повеќето болести или започнуваат или продолжуваат со воспаление предизвикано од бактерии и вируси, тогаш оваа информација е важна.
Имено, на секои 17 минути, крвта повторно циркулира низ ткивото на тироидната жлезда, каде што, доколку има доволно количество јод, бактериите и вирусите ќе бидат уништени.
Колку јод е доволно?
- Возрасни: околу 150 микрограми (мкг) дневно
- Бремени жени и доилки: 220 – 290 мкг. дневно
- Деца: 90 – 120 мкг. дневно
Организмот не може сам да го произведува. За разлика од некои витамини, јодот не може да се синтетизира – тој мора да дојде однадвор.
Најчест извор е јодирана сол, но проблемот е што додавањето сол во храната може да го зголеми ризикот од други здравствени проблеми како што се висок крвен притисок и срцеви заболувања, па затоа се препорачува претпазливост при неговата употреба.
