Според корисници на социјалните мрежи, и потврдено од Ридерс Дајџест, трикот вклучува користење обична алуминиумска фолија за подобрување на сигналот од вашиот рутер. Еве на кој начин:
Чекор 1: Исечете парче фолија високо колку вашиот рутер и околу 30 сантиметри широко. Ако рутерот има антени, фолијата треба да биде повисока и од нив.
Чекор 2: Свиткајте ја фолијата во форма на буквата “C”, со сјајната страна свртена кон внатрешноста.
Чекор 3: Поставете ја зад рутерот, со отворената страна насочена кон просторот каде што сакате посилен сигнал.
Целта е фолијата да ги рефлектира вај-фај брановите и да ги насочи кон одредено подрачје. Овој метод потекнува од истражување на колеџот Дартмут и Универзитетот Колумбија од 2017 година, каде научници создадоа “виртуелен ѕид” за насочување на сигналот со помош на фолија.
Методот може да ја подобри врската во една просторија, но да ја ослаби во други. Затоа, пробајте го и измерете ја брзината со бесплатен тест за брзина, пред да вложите во скап проширувач за вај-фај.
Овој едноставен трик може да направи голема разлика – или барем ќе ви помогне да утврдите дали проблемот е во покриеноста, а не во самиот интернет.
Ако не успее, барем ќе знаете дека сте пробале сè пред да вложите во поскапа опрема.
