Во рамките на клиничкото истражување ДЕКАФ, кое ја испитува врската помеѓу консумирањето кофеин и атријалната фибрилација (АФиб), вообичаен тип на неправилен срцев ритам, утврдено е дека кај 200 пациенти кај кои оваа појава е постојана, е забележан значително помал ризик од развој на состојбата ако пиеле кафе, во споредба со групата пациенти кои не го консумирале, пренесува Гардијан.
Наодите на тим предводен од кардиологот и професор по медицина на Универзитетот во Калифорнија, Сан Франциско, Грегори Маркус, беа објавени во време кога кај повеќе од 10 милиони луѓе во САД е дијагностицирана атријална фибрилација, што може да доведе до срцев удар, згрутчување на крвта и мозочни удари.
Истражувачите, користејќи електрокардиограми и холтери, заклучиле дека кај пациентите во групата која пиела кафе, ризикот од појава на срцеви неправилности за време на периодот на тестирање, кој траел шест месеци, бил намален за 17 отсто.
