Станува збор за Џон Литгоу како Албус Дамблдор, Џенет МекТир како Минерва Мекгонагал, Папа Есиеду како Северус Снејп и Ник Фрост како Рубеус Хагрид, пренесува Варајети.
Покрај тоа, Лук Талон ќе глуми како професор Квиринус Квирел. Пол Вајтхаус ќе се појави во повторливата улога на Аргус Филч.
„Среќни сме што можеме да го објавиме овој избор“, рекоа презентерите и извршните продуценти на серијата Хари Потер, актерите Франческа Гардинер и Марк Мајлод.
Како што беше споменато, ова се првите потврдени членови на актерската екипа за многу очекуваната серија.
Кога станува збор за главните улоги – Хари, Рон и Хермиона – ХБО го отвори кастингот на есен, со преку 30.000 апликации.
Се очекува снимањето на серијата да започне ова лето. ХБО ја опишува серијата како „верна адаптација“ на глобално признатата серија на Џ.К.Ролинг.
„Истражувајќи го секој агол од светот на волшебниците, секоја сезона на новата и постоечката публика ќе ѝ го донесе искуството на Хари Потер и неговите неверојатни авантури“, се вели во официјалниот опис.
