Како што е опишано во студијата објавена во средата во списанието Нејчр, новата технологија го елиминира ризикот од компликации поврзани со хируршко отстранување на стандардните пејсмејкери и може да биде голема промена за новороденчињата со вродени срцеви мани.
Пејсмејкерите се мали импланти кои му помагаат на срцето да одржува нормални отчукувања преку електрични импулси. Честопати се потребни привремени пејсмејкери по операција на срцето или додека се чека постојан пејсмејкер.
Сепак, новиот пејсмејкер е толку мал што може да се инјектира во телото со шприц, што значи дека не се вклучени жици. И кога уредот повеќе не е потребен, телото природно го апсорбира, така што нема ризична процедура за отстранување.
Новиот, пејсмејкер доаѓа со мал, мек безжичен уред што се носи на градите. Кога надворешниот уред регистрира неправилни отчукувања на срцето, тој автоматски испушта светлосни импулси кои го активираат и контролираат пејсмејкерот.
Минијатурниот пејсмејкер е составен од две електроди кои, кога се во контакт со течностите на телото, формираат тип на батерија наречена галванска ќелија, која ја претвора хемиската енергија во електрична енергија што се користи за стимулирање на отчукувањата на срцето.
Експерименталниот кардиолог Игор Ефимов, кој го предводеше истражувањето, додаде дека кај повеќе од 1 отсто од децата родени со вродени срцеви мани, срцето се поправа самостојно за околу една недела. „Но, тие седум дена се апсолутно критични“, изјави Ефимов.
„Сега, можеме да го поставиме овој мал пејсмејкер на срцето на детето и да го стимулираме со мек, нежен уред што може да се носи. И не е потребна дополнителна операција за негово отстранување“.
