Новиот мотор, развиен од тим предводен од Џереми Мандеј од Универзитетот во Калифорнија, Беркли, го користи „амбиенталното зрачење на Земјата за извршување механичка работа и генерирање електрична енергија“, според списанието „Сајенс Адвансис“.
Уредот наводно е базиран на мотор Стирлинг, а според Мандеј, ваквите мотори се многу ефикасни кога има мали разлики во температурата.
Американските инженери ја користат природната температурна разлика во својот уред.
Алуминиумска плоча со дебелина од пет сантиметри која е вземјена служи како топол пол, а новиот мотор ја користи температурата на просторот како ладен пол. Поради тоа е поврзан со друга плоча која емитира инфрацрвено зрачење во вселената благодарение на специјален вид боја и така се лади, се наведува во студијата.
Како што објасни Мандеј, уредот не треба да има физички контакт со вселената, туку само преку интеракција преку зрачење.
Студијата додава дека моторот произведува моќност од најмалку 0,4 вати на квадратен метар зрачна површина, што е доволно за да работи мал вентилатор.
Истражувачите наведуваат дека ваквиот принцип може да се користи во иднина, на пример за ладење на стакленици или на станбени згради во текот на ноќта.
Со ваков мотор, исто така, може да се произведе електрична енергија преку генератор.
Единствениот недостаток на машината е што таканареченото пасивно ладење работи само ноќе, бидејќи само тогаш уредот емитува доволно инфрацрвено зрачење во вселената за да ја одржи температурната разлика потребна за работа на моторот.
Како што додава студијата, овој тип мотор работи најдобро кога небото е ведро, а воздухот е што е можно посув, објави списанието.
