„Роботите ќе ги надминат добрите хирурзи за неколку години, а најдобрите хирурзи за околу 5 години“, напиша Маск.
Системот за роботска асистирана хирургија (РАС) на Медтроник, Хуго, учествуваше во 137 операции во неколку болници како дел од клиничкото истражување Експанд УРО – најголемо истражување од ваков вид за уролошка хирургија со помош на роботи, пренесува Бизнис стандард.
Компанијата објави извонредни резултати. Студијата ги исполнила своите главни цели во однос на безбедноста и ефикасноста.
Стапките на сериозни компликации (од трет или повисок степен) беа ниски:
- 3,7 отсто во операции на простата
- 1,9 проценти во операции на бубрези
- 17,9 проценти во операција на мочниот меур
Сите резултати беа подобри од претходно утврдените референтни вредности од претходните истражувања.
Дополнително, 98,5 отсто од операциите биле успешни, што е значително над целта од 85 отсто. Само две операции мораа да бидат пренасочени кон алтернативни методи: едната поради технички проблем со уредот, а другата поради сложената анатомија на пациентот.
Во меѓувреме, компанијата на Маск „Неуралинк“ спроведува клинички испитувања на технологијата за интерфејс на мозокот-компјутер, со цел да им помогне на луѓето со парализа или невролошки нарушувања да ги контролираат уредите со својот ум.
Robots will surpass good human surgeons within a few years and the best human surgeons within ~5 years. @Neuralink had to use a robot for the brain-computer electrode insertion, as it was impossible for a human to achieve the required speed and precision. https://t.co/ipPhQK8z1j
— Elon Musk (@elonmusk) April 27, 2025
Технологијата сè уште не е достапна за јавноста, но досега три лица добиле импланти од „Неуралинк“.
Еден од корисниците, Бред Смит, неодамна сподели видео на кое се гледа како му помага имплантот. Иако е парализиран, тој сега може да користи Мекбук и да комуницира со помош на уредот.
Додека Маск и иноваторите како Медтроник ги поместуваат границите на она што е можно, останува прашањето: Дали роботите наскоро ќе ги заменат човечките хирурзи – или само ќе ги направат подобри?
