Истражување на 1.000 комерцијални производи откри дека влажна, сурова и храна богата со месо има значително поголемо влијание врз климата отколку стандардните суви гранули, пренесува Гардијан.
Анализата покажа дека производите со најголем јаглероден отпечаток генерираат до 65 пати повеќе емисии од опциите со најмал ефект, додека глобалната употреба на британскиот модел за храна за кучиња би произвела емисии еквивалентни на повеќе од половина од годишните емисии од комерцијалните авиокомпании.
„Сопствениците на кучиња честопати се двоумат помеѓу давање храна на своите кучиња што одговара на нивните природни навики и желбата да ја намалат штетата врз животната средина“, вели водечкиот истражувач на студијата Џон Харви.
Студијата препорачува избор на храна што содржи месо што луѓето вообичаено не го јадат и намалување на процентот на врвно месо.
Исто така, зголемувањето на достапноста на храна од растителна основа би можело дополнително да ги намали емисиите, но понудата во моментов е ограничена.
Харви нагласи дека индустријата за храна за домашни миленици треба да обезбеди јасно означување на состојките и да користи еколошки одржливи извори на месо за да ги одржи кучињата здрави и да има помало влијание врз планетата.
