Пред неколку месеци, Тили ја доби својата прва улога. Станува збор за краток филм наречен „ВИ Комесар“ во кој сè е генерирано со помош на вештачка интелигенција – актери, гласови, сценографија и околина.
Ван дер Велден откри во интервју за Дедлајн дека на почетокот имало многу скептицизам. „До февруари седевме низ бројни состаноци и сите велеа: „Не, ништо посебно. Ова нема да функционира“. Но веќе во мај слушнавме: „Мораме да направиме нешто заедно“. Кога го лансиравме Тили, луѓето се прашуваа што е тоа. А денес се подготвуваме да објавиме која агенција ќе го претставува во наредните месеци.
Амбицијата е јасна – Тили Норвуд треба да стане новата Скарлет Јохансон или Натали Портман. „Луѓето почнуваат да сфаќаат дека креативноста не мора да биде ограничена со буџет. Кога нема такви бариери, вештачката интелигенција може да донесе многу позитивни работи. Сè е во промена на перспективата. Ерата на синтетички актери не доаѓа – таа веќе е тука“, рече Ван дер Велден.
