Една од најчестите причини поради кои луѓето се откажуваат од обидите да ослабат е чувството на глад додека држат диета. Тие можат да се придржуваат до здрав појадок со контролиран број калории, но во попладневните или вечерните часови често ги пребаруваат залихите храна во потрага по сладок залак.
Затоа, наместо да се намалуваат големините на порциите, клучот за успешно слабеење можеби лежи во тоа луѓето да јадат исти количини на кои се навикнати, но да избираат намирници со помалку калории по залак.
„Концептот е да јадете колку што сакате во смисла на волумен на храната, а при тоа да не го зголемувате бројот на калории што ги внесувате. Тоа значи избор на намирници со ниска калориска густина и полнење на чинијата со нив, така што порцијата изгледа многу поголема отколку што навистина е според калориите. Ова одлично функционира кај луѓе кои сакаат да изгубат малку тежина или да ја одржат, а имаат добар апетит и сакаат да имаат многу храна на чинијата“, истакнуваат нутриционистите, пренесува британски Телеграф.
Како изгледа тоа во пракса
Некои од советите подразбираат замена на колачиња со пуканки. Тие се одлична алтернатива ако сакате да јадете повеќе, а да внесете помалку калории. Голема чинија пуканки трае подолго за јадење отколку неколку колачиња, па ви помага подолго да се чувствувате сити.
На пример, три чоколадни колачиња содржат повеќе калории од голема порција пуканки, која покрај тоа обезбедува растителни влакна и го поддржува здравјето на цревата.
Понатаму, консумирањето 200 грама пилешки гради наместо две парчиња колбаси значи помалку калории, повеќе протеини и помалку заситени масти. Најдобро е да се држите до пилешко, мисиркино или немасни делови од говедско месо ако внимавате на линијата.
Додавањето сирење во јајцата го зголемува волуменот и количината на протеини без значително зголемување на калориите. Нутриционистите велат дека и кога самите подготвуваат оброк, на пример пржено јадење, се трудат половина од чинијата да ја наполнат со зелен, лиснат зеленчук или голема салата како прилог, за да имаат чувство дека јадат обилен оброк, а притоа да останат во рамките на својата калориска цел.
Потоа, предлогот е половина од чинијата да се наполни со зеленчук или салата за да се добие впечаток на голема порција, а да се остане во рамките на калориската цел. Замената на тестенините или њоките со тиквички е одлична: 200 грама њоки имаат 250 калории, додека иста количина тиквички има само 40 калории, со дополнителна корист од витамин Ц.
