Извештаи за штета пристигнале од регионот Хунсрик и Ајфел, како и од Кобленц, пренесува Билд.
Портпаролот на националниот центар за кризни ситуации и команда за безбедност на воздушниот простор во Северна Рајна-Вестфалија изјави дека е потврдено дека станува збор за метеор или метеорит, додека попрецизни информации сè уште не се достапни.
Спасувачи и припадници на цивилната заштита се распоредени во Кобленц-Гилс, каде што фрагменти од метеорит оштетија покрив на куќа.
WATCH: Stunning shot of meteor in North Rhine-Westphalia, Germany; fragments damage homes in Rhineland-Palatinate and other regions pic.twitter.com/aGknnMcSiT
— Rapid Report (@RapidReport2025) March 8, 2026
Објектот бил забележан и во јужна Долна Саксонија, а полицијата во Оснабрик добила неколку итни повици.
„Сведоци пријавија светла огнена топка на небото, која потоа наводно се урнала на земјата помеѓу Георгсмариенхајте и Оснабрик“, соопшти полицијата.
Според прелиминарните информации, во инцидентот нема повредени.
A Meteor just burned up in the atmosphere above the #Netherlands and #Germany.
Local authorities have gotten reports of people’s homes being damaged by the entry shockwave. pic.twitter.com/PY4FszleXA
— Wolverine Update (@W0lverineupdate) March 8, 2026
Во Штаде, западно од Хамбург, противпожарната служба и полицијата добиле пријава околу 19 часот за можни делови од авион или остатоци од други небесни тела што паднале во поле со пченка. И покрај обемното пребарување, ништо не е пронајдено, соопшти полицијата.
Портпаролот на полицијата изјави дека фрагменти паднале врз најмалку една куќа во Кобленц-Гилс, оштетувајќи го покривот, но никој не е повреден.
„Метеорит помина над Рајнска област-Пфалц. Се распадна со силен тресок над западна Германија. Фрагментите стигнаа до Земјата околу 19:15 часот“, соопшти Службата за заштита од пожари и катастрофи на покраината Рајнска област-Пфалц.
Метеоритите се мали фрагменти од карпа или метал што кружат околу Сонцето, додека метеоритите, кои често се нарекуваат и „ѕвезди што паѓаат“, се фрагменти што согоруваат во атмосферата на Земјата.
Метеоритите се остатоци од метеор кои ја преживуваат атмосферата и паѓаат на Земјата.
