Таа наведува дека построго спроведување на регулативите би можело да доведе до тоа Европејците да бидат помалку депресивни и помалку анксиозни.
Особено се истакнуваат загадувањето на воздухот, бучавата и хемиското загадување.
„Истражувањата постојано покажуваат дека загадувањето на воздухот, на пример во форма на фини честички (ПМ2.5) и азот диоксид, е поврзано со депресија и депресивни симптоми“, се вели во извештајот на агенцијата.
Тие додаваат дека „изложеноста на олово, хормонски нарушувачи и други хемикалии, особено во развојните фази од животот, може да го зголеми ризикот од проблеми со менталното здравје подоцна во животот“.
Исто така, бучавата, особено од воздушниот и патниот сообраќај, може да биде поврзана со зголемен ризик од депресија и анксиозност, особено кај ранливите групи на население.
„Напредокот кон целта за нулта загаденост може да донесе дополнителни придобивки за менталното здравје и општата благосостојба“, соопшти ЕЕА.
Агенцијата, исто така, истакнува дека решенијата базирани на природата имаат научно докажани придобивки за луѓето со ментални нарушувања, бидејќи го намалуваат стресот, анксиозноста и депресијата, како и ја подобруваат целокупната благосостојба преку контакт со природата.
Според податоците на ЕЕА, менталните нарушувања во 2023 година претставувале шести најголем товар на болести во Европската Унија и осми водечки причинител на смрт.
