Данецот Ханс Кристенсен Гивард (27) патувал во втора класа и бил еден од 1.500-те жртви кога бродот удрил во санта мраз во 1912 година. Гивард патувал во САД со двајца пријатели кои исто така загинале во несреќата.
Часовникот бил пронајден кога телото на Гивард било извлечено од Северен Атлантик и подоцна погребано во Халифакс, Канада.
Сите негови лични работи му биле вратени на неговиот брат во Данска, а часовникот сега го продаваат неговите потомци.
Трагичната приказна за Гивард ги инспирираше кураторот Јеспер Хјерминд и неговата внука, новинарката и американска државјанка Мете Хјерминд Мекол, да ја напишат книгата „Титаник – дански приказни“, во која се споменува и овој џебен часовник.
Аукциската куќа Хенри Олдриџ и Синот на Девизес, во англиската област Вилтшир, ќе го понуди часовникот на продажба на 26 април.
„Овој предмет беше документиран на официјалната листа на предмети на Ханс, составена од властите во Халифакс, Нова Шкотска, во неделите по катастрофата на Титаник, и оттогаш остана во сопственост на неговото семејство. Тоа беше еден од централните експонати на изложбата на сувенири на Титаник одржана во 2012 година во Тиволи во Копенхаген, што зборува за неговата важност“, изјави аукционерот Ендрју Олдриџ.
„Механизмот на часовникот остана „замрзнат во времето“ во моментот кога студените води на Северниот Атлантик го проголтаа не само неговиот сопственик, туку и најпознатиот океански брод на сите времиња – Титаник, на 15 април 1912 година“, додаде тој.
