Филмот „Хамнет“ би можел да ги победи „Една битка по друга“ и „Грешници“ и да ја освои главната награда на доделувањето на БАФТА, бидејќи потресната приказна за Шекспир, неговата сопруга Агнес и смртта на нивниот син би можела да ги освои британските гласачи.
Акционата црна комедија „Една битка по друга“ од американскиот режисер Пол Томас Андерсон води со 14 номинации пред церемонијата во недела, по што следува вампирскиот трилер „Грешниците“, кој освои најмногу номинации за Оскар.
Филмот „Хамнет“, во режија на добитничката на Оскар, Клое Жао, базиран на романот на Меги О’Фарел, е фаворит на обложувалниците за освојување на наградата БАФТА за најдобар филм.
„Една битка по друга“ е уште еден извонреден филм, но „Хамнет“ едноставно изгледа како филм за кој БАФТА би одлучила“, рече Тим Ричардс, основач и главен извршен директор на групацијата Вју синема.
Ако „Хамнет“ освои награда за најдобар филм, Андерсон би можел да освои награда за најдобар режисер или обратно, бидејќи БАФТА ги дели главните награди помеѓу „два извонредни филма“, додаде Ричардс.
Свеченото 79-то доделување на наградите на Британската академија за филмска и телевизиска уметност ќе се одржи во недела навечер во Лондон, водител ќе биде шкотскиот актер, телевизиски водител и режисер Алан Каминг.
