„Дури и пред 2040 година се очекува мал број жени да бидат зафатени од оваа болест и да се смета за елиминирана“, се вели во соопштението и се додава дека тоа ќе биде првпат да исчезне еден вид рак.
Во моментов, стапката на повторување на овој тип на рак е помала од 10 на 100.000 случаи, според студијата објавена во данските специјализирани медиуми.
Според критериумите на Светската здравствена организација, болеста ќе се смета за искоренета во Данска со стапка на повторување помала од 4 на 100.000 случаи.
Стапката на вакцинација против инфекција со хуман папилома вирус (ХПВ), главната причина за болеста, е 89 отсто за момчиња и девојчиња на возраст од 12 години по првата од двете дози на вакцината.
Вакцината, која е бесплатна во Данска, беше воведена за девојчиња во 2008/2009 година и за момчиња во 2019 година.
