Според експертот Мери Валас, во тоалетните води концентрацијата на мирисот е помеѓу 8 и 12 отсто, додека во парфимираните води концентрацијата е помеѓу 12 и 18 отсто.
Таа понатаму наведува дека концентрацијата може да варира во зависност од брендот на мирислива вода. Без разлика на точната бројка, концентрацијата на мирисот секогаш ќе биде поголема во парфемот отколку во тоалетната вода.
Валас објаснува дека, со оглед на тоа што има поголема концентрација на мирис во парфемите, тоа влијае на должината на времето и ароматичноста. Едноставно кажано, парфемот трае подолго на кожата и е поароматичен од тоалетната вода, која побрзо ќе испари.
Тоалетната вода е често полесна и посвежа, додека парфемот е подолготраен и побогат. За секојдневните прилики, на пример, одење на работа, Валас смета дека е посоодветно да се носи тоалетна вода, додека парфемите се резервирани за вечерни и специјални прилики.
Исто така, треба да се земе предвид температурата, како и годишното време. Во влажни клими, тоалетната вода е подобро прилагодена, додека во постудено време, парфемот е посоодветен.
