„Окото на лососот“, уметничка инсталација со описно име, која се состои од преклопени „лушпи“ од не’рѓосувачки челик што ѝ овозможуваат да сјае и да се истакнува во својата природна околина.
„Окото на лососот“ е нарачано од околните одгледувачи на лосос во Еиде, а дизајнирано од Арне Кворнинг, извршен директор на „Кворнинг АпС“. Од далечина, изгледа како „црно јајце“, како што многумина го опишуваат, но е многу поголемо – искуството на Кворнинг во сценографијата станува очигледно кога трите ката и отворената тераса се откриваат преку двојни спирални скалила.
Под линијата на водата се наоѓа простор каде што посетителите се информираат за потенцијалот на одржливата аквакултура. Горе е ресторанот „Ирис“ со Мишелин ѕвезда. Станува збор за уникатен ресторан кој нуди „експедициски оброк“, каде што како гостин се впуштате во кулинарска и живописна експедиција.
„Окото на лосос е природен дел од нашата желба да го нарушиме и трансформираме секторот за аквакултура. Еиде и нашата технологија „Водена месечина“, што го менува пристапот, сакаат да ги отворат очите на светот за потребата од нови одржливи технологии за производство на морска храна, а Окото на лосос е дел од тоа“, изјави Сондре Еиде, извршен директор на Еиде.
Како што објаснува Себастијан Торјусен, генерален директор, инсталацијата е прилично футуристичка, како однадвор, така и одвнатре.
„Бидејќи лебди, за нас беше важно да создадеме удобен ентериер за гостите да не се чувствуваат отуѓено. Затоа работевме многу на акустика, материјали, бои и форми за да создадеме модерна, но топла и пријатна средина“, објасни Торјусен, додека Арне Кворнинг рече дека е важно да се создаде целосно искуство, кое е „архитектура со интегрирано раскажување приказни“, пренесува Јутарњи лист.
