Службата за национални паркови на САД (НПС) објави рекордни врнежи од дожд во Националниот парк Долина на смртта, каде што поројните дождови го оживеаја езерото Менли во басенот Бедвотер, најниската точка во Северна Америка. Во далечното минато, ова езеро било длабоко над 300 метри. Сепак, не е видено во постојана форма повеќе од 10.000 години, откако се повлекле ефектите од последното ледено доба.
Иако езерото се врати, НПС истакнуваат дека денешното ниво на водата е главно толку плитко што „не би ги покрило ни врвовите на чевлите“. Ова не е прв пат езерото да се појави привремено; исто така, накратко и плитко се формирало во 2023 година откако ураганот Хилари поминал низ регионот.
Според официјалните записи, Долината на смртта забележала највлажна есен досега, со измерени 6,12 сантиметри дожд од септември до ноември. Областa исто така имала и највлажен ноември во историјата, со 1,76 сантиметри дожд.
Иако овие бројки може да изгледаат мали, треба да се земе предвид дека просечните годишни врнежи од дожд во Долината на смртта се помалку од 5 сантиметри. Да се прими речиси цела годишна количина дожд за само еден месец е драматична промена.
Езерото Менли го достигнало својот врв пред помеѓу 128.000 и 186.000 години, кога се протегало речиси 160 километри, напојувано од реки и стопен мраз од планинскиот венец Сиера Невада.
