Жителите на Лондон и југоисточна Англија пријавувале „необични розови нијанси“, додека бројни фотографии беа објавени на социјалните мрежи.
Кога се случува овој феномен?
Експертите објаснуваат дека овој феномен се случува кога сонцето е ниско над хоризонтот, при изгрејсонце или зајдисонце. Светлината тогаш патува низ поголем дел од атмосферата, а ситните водени капки во маглата распрскуваат сина и зелена светлина – додека црвената минува непречено.
Поради тоа маглата добива розова или црвеникава боја, пренесува Индипендент.
Иако е воодушевувачка глетка, експертите истакнуваат дека станува збор само за оптичка илузија и не укажува на никаква опасност, освен вообичаените ризици што ги носи маглата, како што е намалената видливост.
Never seen coloured fog like this before – absolutely amazing! @SallyWeather #fog #loveukweather #viewfrommybalcony @metoffice pic.twitter.com/myvBgUamfF
— Ruth Wadey (@ruths_gallery) December 17, 2025
Оваа необична појава е забележана во моментот кога метеоролозите предупредуваат на можни прекини во воздушниот сообраќај, откако беше активирана тревога во Лондон и други делови од Велика Британија.
Метеоролозите наведуваат дека во одредени области е забележана „густа магла“ со видливост до 100 метри, што предизвика откажување и одложување на летови, со предупредувања до граѓаните да бидат внимателни во сообраќајот.
Ретката појава на розова магла, освен што предизвикува збунетост кај луѓето, нè потсетува и како атмосферските услови можат да создадат спектакуларни сцени во секојдневниот живот – и колку природата може да нè изненади дури и во урбани средини.
