Пациентот, 54-годишниот Бил Стјуарт, беше опериран на 14 јуни и добро заздравува, соопштија од болницата.
„Навистина сакав да придонесам за науката“, изјави Стјуарт за Асошиејтед прес.
FDA greenlights trial of gene-edited pig kidneys as treatment for end-stage kidney disease.https://t.co/94ivL9qNOo
— Jason Ukman (@JasonUkman) September 8, 2025
Медицинскиот тим истакна уште еден значаен резултат – кај претходен пациент од истата држава, Тим Ендрус, трансплантираниот свински бубрег функционира седум месеци, што е најдолгиот забележан период досега, претходниот рекорд беше 130 дена.
“A self-described science nerd is the latest American to get an experimental pig kidney transplant, at a crucial point in the quest to prove if animals organs really might save human lives.”https://t.co/cFCnH1SLxR pic.twitter.com/5Lu0W4lwvs
— Dave Agar (@dave1agar) September 8, 2025
Врз основа на минатото искуство со неколку индивидуални трансплантации, Управата за храна и лекови на САД (ФДА) одобри еГенезис да започне клинички испитувања на луѓе за трансплантација на бубрег од свиња (ксенотрансплантација).
Повеќе од 100.000 лица се на листата на чекање за трансплантација на органи во САД, од кои повеќето чекаат бубрег, а илјадници умираат пред да добијат соодветен орган.
Научниците генетски модифицираат свињи за да ги направат нивните органи послични на човечките и помалку подложни на имунолошко отфрлање.
Д-р Ријела истакна дека терапијата на Стјуарт била приспособена за да се спречи отфрлање на орган, исто како и кај претходниот пациент.
Тој додаде дека е прерано да се даваат предвидувања за долговечноста на свинските бубрези кај луѓето, но дека дури и привременото решение на проблемот би можело да донесе значителни придобивки за пациентите кои чекаат соодветен човечки орган.
