Колекцијата „Капсула“, која обично вклучува ограничен број разновидни облеки и додатоци кои можат да се комбинираат, инспирирана е од винтиџ модели (облека што датира од минатотот) и логоа, целосно е произведена во Италија и вклучува капи, маици, карирани кошули, џемпери и дуксерки, пренесува Анса.
Сите парчиња од брендот, поголемиот дел произведени во Тоскана, се одликуваат со врвен квалитет и рачна изработка.
Актерот, познат по својата страст кон мотоциклите Харли-Дејвидсон, чува колекција од стари и ретки модели од фабриката во Милвоки во својата гаража.
Оваа модна иницијатива го следи успехот на луксузниот бренд „Божји вистински кашмир“, кој Бред Пит го основа со својата пријателка Сет Хари во 2019 година.
Откако го посети музејот „Харли-Дејвидсон“ во Милвоки, каде што истражуваше мотоцикли и винтиџ облека со Сет Хари, Пит реши да ги спои своите две страсти – модата и мотоциклите – и да создаде ексклузивна модна линија.
Колекцијата е дизајнирана да комбинира класични парчиња од брендот „Божји вистински кашмир“ со препознатливи симболи на Харли-Дејвидсон: црна и портокалова боја, логоа и познатиот орел со раширени крилја, симбол на сила и слобода меѓу возачите на Харли.
Brad Pitt founded luxury clothing label God’s True Cashmere with his friend Sat Hari in 2019. The duo explained to GQ how their quixotic side quest became a smash success: “We just do what we like.” https://t.co/8IGL4zWVdr
— GQ Magazine (@GQMagazine) November 10, 2025
Цените за новите модели се движат од 380 долари за шапка до 2.600 долари за кошула, а поради ограничениот број на произведени парчиња, тие се вистински колекционерски предмети.
Како што истакнува агенцијата, со оваа колекција, „Бред Пит дополнително го потврдува својот статус на еден од најстилските холивудски ѕвезди, чија страст кон мотоциклите сега добива и моден израз“.
