Паола и Паоло Анцидеи се родени на 26 мај 1925 година, а за да го одбележат својот јубилеен роденден, околу четириесет роднини и пријатели се собраа во Банџо а Риполи, пренесе Анса.
Прославата се одржа во селото Патерно, во куќата каде што живее Паоло со помош на негувател.
Неговата сестра Паола живее во дом за стари лица во градот Фиезоле, заедно со својот 98-годишен сопруг.
„Оние кои го познаваат цел живот навистина не сакаа да ја пропуштат оваа можност. Тој е омилен меѓу сите“, изјави братучетката на Паоло, Соња.
Duecento candeline, simboliche, spente insieme. Grande festa a Bagno a Ripoli per due gemelli centenari, Paola e Paolo Anzidei, nati il 26 maggio 1925, che hanno celebrato il traguardo con parenti e amici https://t.co/RAsUnM7ilw pic.twitter.com/izxkmg1Yka
— intoscana (@intoscana) May 26, 2025
Братот и сестрата близнаци биле возбудени кога се сретнале по една година, иако во меѓувреме разговарале по телефон.
Паоло работел како продавач на облека и постелнина, додека неговата сестра била вработена во локална перална.
За време на Втората светска војна, Паоло имал турбулентни искуства, а откако бил заробен од Германците во септември 1943 година, бил одведен во Касино на принудна работа каде учествувал во изградбата на бункери долж „Хитлеровата линија“, но успеал да избега.
По многу денови пешачење, тој стигнал до Фиренца.
На прославата на роденденот присуствуваа и локалните власти, градоначалникот Франческо Пињоти и советничката Сандра Барали, кои на близнаците им поклонија плакета со натпис „за прекрасната цел што ја постигнавте“.
