Овој неочекувано силен резултат надоместува неколку разочарувања што Ајлиш ги доживеа во текот на изминатата година. Имено, Hit Me Hard and Soft го зазеде второто место на Билборд 200 листата, што е нејзин прв студиски албум кој не стигна до врвот. Исто така, на доделувањето на Греми наградите во 2025 година, таа остана без ниту една награда и покрај седумте номинации.
Доделувањето на наградите AMA се одржа во понеделник, на 26 мај, во хотелот Фонтенбло во Лас Вегас, а водителка на церемонијата беше Џенифер Лопез. Второто место по број на освоени награди го делат Лејди Гага и Бруно Марс, кои освоија по три награди.
Следни на листата со по две награди се Пост Малоун, Сиза, Д Викнд, Бед Бани, Бијонсе, Еминем и Твенти уан пајлотс.
Тејлор Свифт, која го држи рекордот со вкупно 40 награди на АМА, не ја зголеми својата колекција оваа година и покрај шест номинации. Меѓу изведувачите кои не освоија никакви награди, и покрај големиот број номинации, беа Чапел Роан и Шабузи (секој по седум номинации) и Сабрина Карпентер (шест номинации).
Албумот на Бијонсе „Каубој Картер“ ја освои наградата за омилен кантри албум. Бијонсе ја освои и наградата за омилен кантри изведувач.
Еминем ја освои наградата за омилен машки хип-хоп изведувач по четврти пат.
Номинациите на AMA се засноваат на клучните интеракции со обожавателите, вклучително и стриминг, продажба на албуми и песни, радио емитување и приходи од турнеи, следени од Билборд и Луминат помеѓу 22 март 2024 и 20 март 2025 година.
