Иако иднината веројатно нема да изгледа како некој дистописки научнофантастичен филм, за нас обичните смртници ситуацијата би можела да биде многу лоша додека АИ напредува, барем според американскиот милијардер Бил Гејтс.
Технолошкиот могул предупреди дека многу работни места едноставно ќе застарат со вкоренувањето на технологијата во општеството. Меѓутоа, Гејтс е прилично сигурен дека постојат три занимања кои АИ нема да ги чепка.
Програмери – иако вештачката интелигенција може да генерира код, во овој момент е далеку од совршенство. Луѓето ќе мора да ја надгледуваат вештачката интелигенција, да ги поправаат грешките и баговите, како и да дизајнираат понапредни системи.
Експерти за енергетика – Гејтс спомна и дека енергетскиот сектор е премногу сложен за вештачката интелигенција да може реално да управува со него во оваа фаза. Секторите на нафтата, нуклеарната енергија и обновливите извори бараат стратегија и премногу стручност за индустријата да биде премногу автоматизирана. Инженерите, истражувачите и техничарите и понатаму ќе бидат потребни за управување со структурата, разбирањето на предизвиците во индустријата и иновациите.
Биолозите – што се однесува до биолозите, иако АИ може да се користи како алатка во медицинската индустрија (што веќе се случува), технологијата ја нема потребната креативност за научни откритија. Значи, во меѓувреме експертите веројатно ќе користат АИ за анализирање големи количества податоци и дијагностицирање болести.
Гејтс признава дека можеби греши и дека начинот на кој оваа технологија ќе се користи веројатно ќе го преобликува секојдневниот живот слично како што тоа го направиле индустриската револуција и интернетот во минатото.
А ако вештачката интелигенција не успее да се одомаќини, ние ќе можеме да тврдиме дека сме знаеле дека тоа никогаш нема да се случи и дека било само минлива мода.
