Сепак, сите зборуваа за незаборавното шоу на полувремето, кога настапи порториканскиот музички феномен Бед Бани, приредувајќи спектакл за паметење.
Прелиминарните резултати покажуваат дека неговиот настап стана најгледан во историјата на Супербоул. Според Ен-би-си, повеќе од 135,4 милиони гледачи го следеле настапот на Бед Бани, надминувајќи го минатогодишниот настап на Кендрик Ламар (133,5 милиони).
Bad Bunny officially has the most-watched Super Bowl Halftime Show in history, with more than 135.4 MILLION viewers. pic.twitter.com/Y4oCOj8YD6
— Bad Bunny HQ (@BBPRTV) February 9, 2026
Настапот кулминираше со ненадејно појавување на Лејди Гага на сцената. Заедничкиот настап во Санта Клара предизвика вистинска лавина од реакции на социјалните мрежи и ги подели гледачите.
Лејди Гага, која ја освои наградата за најдобар поп албум на неодамнешните Греми награди, се појави во елегантен син фустан и ја изведе песната „Умри со насмевка“ во салса верзија. Потоа танцуваше со Бед Бани пред десетици илјади гледачи на стадионот. Подоцна им се придружи и Рики Мартин, дополнително засилувајќи ја латино енергијата на вечерта.
Нивното ненадејно појавување предизвика воодушевување меѓу обожавателите.
Бед Бани го отвори шоуто со „Тити ме праша“, опкружен со позадина од полиња со шеќерна трска, а во текот на шоуто изведе серија од неговите хитови, оставајќи силна визуелна порака за љубов, единство и латино идентитет. На крајот, го крена знамето на Порторико, со пораката: „Единственото нешто посилно од омразата е љубовта“.
И покрај политичките контроверзии и критики пред настапот, Бед Бани стана првиот независен латино уметник кој беше главна ѕвезда на полувремето на Супербоул, уште еднаш потврдувајќи дека знае како да ја „запали“ светската публика.
