Методот, првпат користен од научници во Велика Британија, ги комбинира гаметите (полови клетки) на родителите и дополнителна јајце клетка од жена донор.
Оваа техника е легална речиси една деценија, но сега е добиен првиот доказ за успех со раѓање на деца без неизлечива митохондријална болест.
Оваа болест се пренесува од мајка на дете, што го изгладнува телото од енергија, доведува до сериозни болести и бебињата умираат неколку дена по раѓањето, наведува Би-би-си.
Децата родени преку оваа техника на генетски материјал од три лица наследуваат поголем дел од својата ДНК – нивниот генетски отпечаток – од своите родители, додека најмалиот дел, околу 0,1 процент, доаѓа од другата жена.
Тоа е промена што се пренесува низ генерациите.
Ниту едно од семејствата кои поминале низ процесот не сака јавно да зборува за да ја заштити својата приватност, но тие објавија заедничка анонимна изјава преку Центарот за плодност во Њукасл, каде што беа спроведени процедурите.
„По години неизвесност, овој третман ни даде надеж, потоа ни даде и бебе“, изјави мајка на новородено девојче.
