Нуркач објави видео на Јутјуб на кое се прикажани древни урнатини во езерото Чиандао во Кина. Не е познато колку точно е стар овој подводен град.
Истражувачот рече дека направил „неколку нуркања“ за да ги проучи подводните остатоци од античкиот град наречен Ши Ченг (Град на лавовите), кој се наоѓа помеѓу 26 и 40 метри под површината на езерото.
Урнатините на градот Лав беа потопени во 1959 година откако долината во подножјето на планината Ву Ши (Петте лава) беше поплавена поради изградбата на хидроцентрала на реката Син’ан. Гледачите на видеото беа воодушевени од архитектонските детали кои сè уште се недопрени и покрај тоа што се под вода со децении.
Видеото е снимено во 2014 година од ЦВДајвинг и објавено на нивниот официјален Јутјуб канал. На градбите сè уште може да се видат антички натписи и резби. Чудо е што не станале жртви на ерозија по толку години под вода.
Градот Лав е познат како „Атлантида на Исток“ и се проценува дека постоел помеѓу 600 и речиси 2.000 години. Неверојатно е што, дури и по 60 години под вода, градот е речиси совршено зачуван.
Се верува дека причината за ова е фактот што водата што се користела за изградба на вештачкото езеро не содржела корозивни елементи ниту морска флора и фауна. Бидејќи се наоѓа под вода, античкиот град може да го посетат само искусни нуркачи, бидејќи е отворен за туристи од 2017 година.
За да го посетите градот Лав, мора да имате искуство во длабинско, ноќно и истражувачко нуркање – во спротивно нема да добиете дозвола. Тимови нуркачи постепено го истражуваат и мапираат античкиот град кој со децении лежи на дното на езерото.
Досега се пронајдени вкупно 265 сводови украсени со резби на змејови, феникси и лавови. Сепак, сè уште не се знае кога ќе имаме целосна слика за тоа како изгледал Ши Ченг пред потонувањето. Постојат делови од градот кои сè уште се мистерија.
Би-би-си еднаш објави дека градските ѕидини датираат од последните денови на кинеската династија Минг, но архитектурата содржи и елементи од династијата Чинг, последната царска династија во Кина.
