Имено, анонимниот човек кој го користи прекарот Гост Питур на социјалните мрежи чисти вандализирани ѕидови ноќе низ Бреша во Италија. Иако не сака да го открие својот идентитет, тој води страница на Инстаграм каде што објавува фотографии од реставрацијата на фасадите.
Преку ден е сликар, а ноќе чисти градски фасади. Сè прави во тишина и анонимност, со качулка преку главата. Чисти вандализирани згради со боја, валјак и четка. На социјалните мрежи, тој концизно објаснува зошто решил да го стори тоа.
„Не е само интервенција. Тоа е гест на почит кон урбаниот простор. Нашиот простор. За оние што живеат таму, за оние што минуваат секој ден. Тоа е почеток“, напиша тој во еден пост.
„Се случува ноќе. Кога сè ќе замолчи. Кога градот ќе се стемни, некој друг го осветлува. Гест, избор, мисија. Не за слава, туку од потреба. Бидејќи одредени ѕидови не ви дозволуваат да ги гледате. Ги слушате“, додава тој во друга објава.
Кога го прашале зошто го прави тоа, тој рекол дека не е за уметност или политика. За него, секој чист ѕид е чин на урбана љубов.
