Експертите предупредуваат дека споделувањето лични фотографии за генерирање слики со вештачка интелигенција може да ја загрози приватноста на корисниците.
Креациите со вештачка интелигенција во стилот на анимациите на Гибли ги преплавија социјалните мрежи – корисниците масовно споделуваат волшебни слики од бајките инспирирани од анимациите на Студио Гибли. Благодарение на неодамнешното подобрување на ЧетГПТ, сега е лесно да се создадат илустрации што изгледаат како фотографии од филмовите на Хајао Мијазаки. Луѓето претвораат сè – од филмски сцени до семејни фотографии – во прекрасни слики од светот на Гибли, пренесува Нова.рс.
Додека овој тренд ја воодушевува интернет заедницата, експертите за дигитална безбедност алармираат: колку навистина плаќаме за да се забавуваме со сопствените податоци?
Платформата Протон, позната по својата работа на приватност и дигитална безбедност, објави на мрежата Икс:
„Кога споделувате лични фотографии со вештачка интелигенција, ја губите контролата врз начинот на кој тие се користат. Овие слики често се користат за обука на модели со вештачка интелигенција и може да се користат за создавање навредлива содржина, па дури и како средство за вознемирување“.
Think this is a fun trend? Think again.
While some don’t have an issue sharing selfies on social media, the trend of creating a “Ghibli-style” image has seen many people feeding OpenAI photos of themselves and their families.
Here’s why that’s a problem:
1/4 pic.twitter.com/o9VqS3Teoe
— Proton (@ProtonPrivacy) March 27, 2025
Протон, исто така, предупредува дека многу модели на вештачка интелигенција, особено оние што генерираат слики, користат огромни бази на податоци за учење. Во овие бази на податоци, без ваше знаење или дозвола, може да се најдат ваши фотографии или слики што потсетуваат на вас.
Британската футуристка Ел Фарел-Кингсли додаде на Икс дека испраќањето фотографии или мисли до алатките за вештачка интелигенција може да открие метаподатоци, локација, па дури и чувствителни информации – особено кога станува збор за деца.
„Ако нешто е бесплатно, вие – и вашите податоци – сте производот. Ако не ви пречи, добро, но важно е да бидете свесни“.
Тие не се единствените кои предупредуваат – сѐ поголем број активисти за дигитална приватност изразуваат загриженост за генератор на вештачка интелигенција во стилот на Гибли на ОпенАИ. Тие тврдат дека користењето лични фотографии за обука на вештачка интелигенција може да доведе до губење на контролата за тоа каде, како и зошто тие податоци подоцна се користат.
